Nagpadala ang CANORECO ng isang binuong Task Force Kapatid noong November 8, 2020 (Linggo) sa Camarines Sur Electric Cooperative Inc. 1 (CASURECO 1), Puro-Batia, Libmanan, Camarines Sur.
Ito ay bilang bahagi ng Power Restoration Rapid Deployment (PRRD) Task Force Kapatid ng National Electrification Administration (NEA), Philippine Rural Electric Cooperatives Association (PHILRECA), at ng One EC Network Foundation ng One EC MCO Movement na binubuo ng PHILRECA Partylist, Association of Philippine Electric Cooperatives (APEC) Partylist, Ako Padayon Pilipino Partylist at Rural Electric Consumers & Beneficiaries of Development & Advancement (RECOBODA) Partylist.
Ang mga Lineman na bumubuo sa Task Force na ipinadala ng CANORECO sa CASURECO 1 ay sina Mr. Noli Dasco, Mr. Edison Mancenido, Mr. Anthony Paris, Mr. Nestor Santiago Jr. at si Mr. J-Benjor Vichozo bilang kanilang Foreman.
Tumulak patungong Camarines Sur ang Task Force matapos itong tagubilinan ni CANORECO General Manager (GM) Zandro Gestiada ng kanilang mga tungkulin at responsibilidad, at iba pa.
Ang ganitong tradisyon ay isinasagawa ng mga Electric Cooperative (EC) tuwing panahon ng kalamidad upang matulungan ang mga kapwa EC sa panahon ng kalamidad at sakuna.
Para sa karagdagang impormasyon, makipag-ugnayan sa cellphone no. 09081865100 at landline no. 054-5713796.
