Tumaas ang singil sa kuryente ngayong Hunyo 2018 billing na babayaran sa Hulyo 2018. Ang sanhi ng pagtaas ay dahilan sa pagtaas ng Generation Charge at Feed –in Tariff Allowance o Fit All Charge. Ang Fit All Charge ay nagkaroon ng 7 centavos/ kwh na pagtaas at ipinapataw sa lahat ng consumers ayon sa itinakda ng Renewable Energy Act of 2008, ito naman ay ibinabayad din ng CANORECO sa National Transmission Corporation o Transco.
Naging dahilan din ang pagpapatupad ng Energy Regulatory Commission o ERC ng karagdagang Universal Charge – Stranded Contract Cost (UC-SCC) base sa ERC Case No. 2011-091RC dated May 22, 2018. Base sa nasabing order ng ERC, inaatasan ang mga Distribution Utilities na magkolekta ng karagdagang 19 centavos/kwh hanggang anim na buwan o hanggang makolekta ang Php 8.5 Million para sa Stranded Contract Cost ng National Power Corporation o NPC na ibinabayad din naman ng CANORECO sa Power Sector Assets and Liabilities Management o PSALM.
Ang rate sa residential para sa buwan ng Hunyo ay umabot ng P 9.9478 per kwh kumpara noong nakaraang buwan ng MayoHunyo na umabot ng P 9.7939 per kwh kung kaya sa kabuuan ay tumaas ang rate ng 15 centavos per kwh. Para naman sa commercial, ang taripa ay umabot ng P 8.9937 per kwh para sa buwan ng Hunyo kumpara sa P 8.8404 per kwh noong buwan ng Mayo o tumaas ng 15 centavos per kwh din.
Para sa kaugnay na impormasyon makipag-ugnayan sa Corporate Services Department sa teleponong 571-3717, 09212116180 at 09560525608.