Nagpadala ang CANORECO ng isang binuong Task Force Kapatid (TFK) noong December 1, 2020 (Martes) sa First Catanduanes Electric Cooperative Inc. (FICELCO), Marinawa, Bato, Catanduanes.
Ito ay bilang bahagi ng Power Restoration Rapid Deployment (PRRD) Task Force Kapatid (TFK) ng National Electrification Administration (NEA), Philippine Rural Electric Cooperatives Association (PHILRECA), at ng One EC Network Foundation ng One EC MCO Movement na binubuo ng PHILRECA Partylist, Association of Philippine Electric Cooperatives (APEC) Partylist, Ako Padayon Pilipino Partylist at Rural Electric Consumers & Beneficiaries of Development & Advancement (RECOBODA) Partylist.
Ang grupo na ipinadala ng CANORECO sa FICELCO ay binubuo nina Mr. Ronilo Alegre (Driver), Mr. Jerry Osea, Mr. Felipe Samala (Lineman), at Mr. J-Benjor Vichozo (Foreman).
Mananatili ang grupo sa Catanduanes upang tumulong sa pagsasaayos ng mga nasirang linya dulot ng pagsalanta ni Typhoon Ulysses hanggang December 18, 2020.
Ang ganitong tradisyon ay isinasagawa ng mga Electric Cooperative (EC) tuwing panahon ng kalamidad upang matulungan ang mga kapwa EC nito.
Para sa karagdagang impormasyon, makipag-ugnayan sa cellphone no. 09081865100, 09190952707 at landline no. 054-5713796.
