Ang naranasang Emergency Power Service Interruption sa lalawigan ng Camarines Norte maliban sa ilang barangay ng mga bayan ng Paracale at Jose Panganiban noong July 17, 2023 (Lunes) mula 2:45 ng hapon ay dahil sa pagkaputol ng overhead guy wire sa pagitan ng ST#216-217 sa Brgy. Exciban, Labo. Tumama ang naputol na overhead guy wire sa National Grid Corporation of the Philippines (NGCP) 69kV Lines kaya nag-auto trip ang NGCP Labo-Talisay 69kV Lines. Ang linyang ito ang nagta-transmit ng kuryente papunta sa Malatap, Talobatib, Calintaan at Lag-on Substations ng CANORECO. Ang mga nasabing substations ang nagdi-distribute ng kuryente sa mga bayan ng Mercedes, Basud, San Lorenzo Ruiz, Daet, San Vicente, Talisay, Vinzons, Labo, Sta. Elena at Capalonga; at ilang barangay sa mga bayan ng Paracale at Jose Panganiban.
Naihiwalay at naibalik ang serbisyo ng kuryente 3:16 ng hapon sa mga nabanggit na bayan/barangay maliban sa mga bayan ng Capalonga at Sta. Elena at ilang barangay ng mga bayan ng Labo at Jose Panganiban na napailawan namang muli 5:07 ng hapon.
Para sa karagdagang impormasyon, maaaring bumisita sa CANORECO Official Facebook Page na CANORECO at sa Official Website na www.canoreco.com.ph.