Isinagawa ang District Election ng CANORECO sa distrito ng Talisay/San Vicente noong July 13, 2024 (Sabado) mula 8:00 ng umaga hanggang 3:00 ng hapon sa Talisay Elementary School (Poblacion, Binanuaan, Itomang, Cahabaan, Calintaan, Gabon, San Francisco, San Nicolas); M. Cacho Elementary School (San Jose, Del Carmen); Sta. Elena Elementary School (Sta. Elena); Sta. Cruz Elementary School (Sta. Cruz, Caawigan); San Isidro Elementary School (San Isidro, Sto. Niño); San Vicente Elementary School (Poblacion, Cabanbanan, Man-ogob, Calabagas, Asdum); at L. Opeda Elementary School (San Jose, Fabrica, Iraya Sur).
Sa dalawang kwalipikadong kandidato, nakakuha si Mr. Juancho A. Gaco ng 1,212 votes samantalang si Mr. Bartolome Armin T. Nieva ay nakakuha naman ng 1,243 votes. Sa kanyang pagkapanalo, muling magsisilbing Director o Representative ng mga MCO sa District V – Talisay/San Vicente si Director Bartolome Armin T. Nieva sa loob ng tatlong (3) taon.
Pinangasiwaan ang nasabing election nila District Election Committee (DECOM) Chairman Antonio N. Olfindo (Public Schools District Supervisor – San Vicente); Secretary Amy B. Dumail (Public Schools District Supervisor – Talisay); 3rd Member Roberto E. Abierta (MCO Municipal Chairman ng Talisay); nasa 24 na Precinct Election Committee (PECOM) Teachers ng Talisay at San Vicente; at mga kawani ng kooperatiba.
Nagpapasalamat ang CANORECO sa mga naglingkod sa nasabing election lalo na sa Department of Education – Division of Camarines Norte sa patuloy na pagsuporta sa mga District Election na isinasagawa ng kooperatiba, at sa mga MCO na tumupad sa kanilang obligasyon at karapatang bumoto ng kanilang representante sa CANORECO.
Para sa karagdagang impormasyon, maaaring bumisita sa CANORECO Official Facebook Page na Canoreco at sa CANORECO Official Website na www.canoreco.com.ph
